友達的隨寫

Thursday, 2 April 2015

2014 12月挪威 (Norway) (五) ~ Tromso 篇再尋極光之旅

12月25日 ~ 第五天聖誕節

經過第一、二晚的精彩極光，今個挪威再尋極光之旅都算係交足功課了，今天打算揸車去 Tromso 市中心行下，大部份到 Tromso 的，都會跟好多團，追北極光，狗拉雪撬，snow mobile, ice fishing，出海等等 ... 友達上網看過，只報了個 26號的全日狗拉雪撬團，還有在昨晚多報了個 28 號的追光圑，五小時長，選擇了跟個攝影師帶的追光團，怕普通的追光團滿足唔到亞隨團攝影師嘛 .. 兩位小朋友對極光團沒有興趣，所以只是我和攝影師參加！報團和關於 Tromso 的旅遊資料，可以上 www.visittromso.no

今日係聖誕節，知道唔會有好多店鋪會開，而且在市中心的節目，留待最後三晚住市中心時先玩。去市中心前，先揸去昨晚 Camp Nikka 的地方看看。

上到山上，人影唔見

昨晚準備晚餐的地方

張相係咪好得？其實木屋係廁所 ... 哈哈

攝影師行落去的地方是個湖，這個時候早已經結成厚冰，再加厚雪，昨晚酒店工作人員已經提過絕對安全在上面行走 ... 不過攝影師先試 ...

夏天又是另一個碧綠景象

小見到雪的小朋友總要在雪地滾滾

雪戰一輪

雪戰一輪後，四周行了圈，看見很多狗狗，應該準備出團中 ...

Tromso ~

揸車沿海向市中心駛去，開始落雪，而且越落越大，未到達市中心，天色又變得全黑了，拍低車，在大街上逛逛，正如所料，所有店舖差不多全都關門，但是見唔小遊人在散步 ... 特別在海邊，而且唔小亞洲人

這是 Tromso Cathedral

連找個午餐的地方也沒有，沒辨法，只有回酒店去，在路過的唯一有開門油站入油之餘，也每人食了隻熱狗和飲了柸咖啡，成為該年的聖誕節午餐，今晚的晚餐也在酒店食，沒有特別的聖誕節大餐火雞之類，可能食火雞不是挪威人傳統！

明天參加了個全日狗拉雪撬團，一早要返 Tromso 市中心，計埋車程要五點起床！

Saturday, 21 March 2015

2014 12月挪威 (Norway) (四) ~ Tromso 篇再尋極光之旅

12月24日 ~ 第四天平安夜

早上醒來，見外面還是漆黑一片，看時間，才八點多，昨天下午一點幾到步後至今，還未見過天光 ... 攝影師返看昨晚成績，都有唔小極光相。

今天節目，打算揸車在附近看看，要預留六點返回酒店去平安夜派對，明天才揸車入市中心。

食過早餐，十點半，見個天還是黑，都要出去渡假村外走走。氣溫大約零下十五度吧，唔覺得特別凍，因為是乾凍，絕對唔似香港的濕凍，周圍環境似打開冰箱，而且舒服，但因為氣溫低，四周的雪變成冰，仲閃閃 ... 露台十一點幾時影

午間看到的疑似北極光，大家覺得呢，天色似黃昏多過天光

這是酒店大堂出面向海平台，差不多十二點，天終於開始光，看到對岸風景。

這些是獨立屋

海面都結冰了，但是唔算厚，唔可以行上去，其實這個 resort 環境都幾舒服，而且仲有 hot tub, sauna 等可以租用，但需要另外收費的。

見大把時間，揸車沿路四處看，風景真係唔錯，不過才一點半又開始天黑，全日日照時間只有兩小時多，突然看到對岸天空雲層出現一個大圓圈，在天暗環境一陣橙色光射到海上，加上海面一層雲霧，嘩啦，簡直似仙境，速速停車睇，影！

攝影師的

友達拍的

這些天然景象真是可遇𣎴可求，攝影師 post 咗張相上網，七嘴八舌的比人問係乜出名旅遊點，邊係乜嘢旅遊點，不過是路過海岸咁啱見到。

接著沿路行吓停吓，見靚就停，至路過一間超市，想入去買些食物，見到有人但門上鎖，念住走啦，裡面啲人開門出來問係咪想買嘢，答係呀，是否關門了，她們說：買啦，明天聖誕節開始關門，跟著指指張告示 ... 的確由今天起，這個時間實在已經關門了，跟著聖誕節至27日都關門，於是速速買了些食物，走時幾位小姐還送了盆聖誕花給我們 ...

平安夜派對 ～

地點場地在於離開酒店的 Camp Nikka, 七、八分鐘車程，到達大堂，見到唔小住客已經在等候, 見各人都做足預塞，頭燈，相機脚架，似去追光團多些，酒店也有保暖衣服，鞋，帽，頭燈 ... 所有戶外用品都有可以借用，自己去攞就可以。

Camp Nikka 位於山上，揸車大約八分鐘，落車後再步行大約八分鐘便到達，由於落車處步行至 camp 是要行山路入森林，四周又黑，所以在酒店時工作人員都每人派了個頭燈，其實他們沿路點了臘燭，都已經好好。