2013-2014 1月日本北海道 (Hokkaido) 北海道神宮、終極篇（四）

1月1日 ~

旅程的最後一天，下午五時二十分機，行程分別是去北海道神宮和狸小路附近購物，大仔是日本動漫迷，到日本自然不容錯過，有時間仲可以去埋拉麵橫丁，其實今日係新年，應該有一半店補會關門的！

先到神宮，今次是為大仔而去，他想買學業符，而且未見識過日本神社 .....

入到扎幌，見近神社街道有很多警察，轉入神社一段路更是排了長長車籠 .... 今天是新年，日本人會到神社祈褔，見到咁情況，仲排？向神社附近街道駛去，有地方放下車，行去就是了。經過一間有泊車位今天註名休業的藥店，把車停泊好便行向神宮！

沿路見到車籠，人籠沿沿不絶的向神宮方向，感覺有啲似除夕人朝行去花市 .... 當然日本人係靜好多，去神宮祈福喎！

到達正門，見有臨時帳篷，原來是放祈福人士送給神社的製，入口處的人朝

神社內人朝都係一樣

來年是馬年，日本人也來掛馬熱鬧 ....

問大仔想唔想寫個願望，他說買了個合格符，可以了，不過最好下年再買一個 ..... 😅

好鐘意仔仔這一張，話係女仔都有人信

人朝不絕

這間叫扎幌鑛靈神社

穿過樹林行這一段路，簡直變了雪人

說得奇怪，出了樹林，大雪便停了，仲出太陽㖭！

跟著再去狸小路，正如所料，七成店鋪關門了，亞仔找動漫鋪，居然又給他找到幾間喎，而且營業中但搵唔到他要找的心水 ..... 也沒有足夠時間去拉麵橫丁，結果去了機場那條拉麵橫丁，試了碗函館拉麵，成為這個短短的五日四夜北海道旅程的最後一餐！

感想 ~

有看友達遊記的，可能覺得這篇遊記，跟以往的北海道遊、白川鄕、冰島有些分別，這大若就係完全用自己想去想做嘅旅行，同為家人而計劃的旅行嘅分别了！

近年去了北海道多次，每次都玩得好開心，每次對旅程感受都唔同，今次同仔仔們去，真係玩雪，食嘢同行街，係之前幾次純粹睇風景，影相完全唔同 .... 如果講玩雪，大官，二官可說是完全滿足，五日四夜裡面，可說是日日都交足功課，如果五日加起來的雪量，一定足夠把友達完全覆蓋變成兩，三個大雪人！

今次須然只係滑了半日雪，仔仔們都好 enjoy，問他們下次仲滑唔滑，去韓國再玩好唔好？二人唔出聲，友達再試探 .... 或者去日本其它地方 ..... 二人即答去日本再滑！嘿，原來又係日本熱！狗拉雪撬也是個很好的體驗，係路程短了些，如果唔係仲好玩。

短短五日四夜旅程就此結束，新年快樂！下次再講新西蘭，友達下一個農曆年出發的旅遊目的地！

2013 12月日本北海道 (Hokkaido) 定山溪、小樽（三）

12月31日 ~ 除夕

2013年的最後一天！今天原本就沒有特定節目，昨晚經過一輪家庭會議，決定先留在定山溪蕩蕩，再落小樽，晩上再回酒店食自助餐！

窗外的景色銀白色一片，好靚！

食早餐時人山人海，住大型酒店就有這個唔好，人多到眼都花 ..... 😅 浪費時間等𨋢，到達大

堂啲人仲多到嚇死人 ..... 連離開酒店車都要排隊 ..... 有其它選擇一定不會住大型酒店，情願住小型酒店或民宿，今次因為決定得遲，所有渡假地區酒店和比較好的酒店都已經爆滿，下次這些高峰期，還是早些 book 好。

離開酒店，先到溫泉街那面，2000年第一次到北海道，曾經在定山溪住過，對於當年住邊間酒店已經無印象 ..... 但對酒店出來時條路𨚫記得好清楚，看見定山溪溫泉地標和幾個石公仔，已經完全記得！

過了月見橋，入了定山溪溫泉公園，積雪好深 .....

溫泉公園入口

內有足湯 .... 水仲好熱㖭

雪深過膝喇

以為是神社，原來是觀音堂

離開定山溪，向小樽駛去， gps 帶了我們行山路，途中經過定山溪水霸 ，風景好靚 .... 想停車拍照，只是觀望台的積雪高到入都入唔到去 ..... 很多路段還是單缐行車，不便停車，如果在秋天，滿山紅葉，一定又是另一番景象了，途中還經過一條由水霸轉 360 度落山的路。

到達小樽

 午飯找了間，魚生，壽司，拉麺什麼都有的食堂

不用多說都估到這碗係邊個 .... 😁 小樽食這個小小一碗也要  ¥1900, 比起星野那一碗貴多了

再到咖啡店，友達要了紫色 kitty 柸，店內好多台灣團，是買柸多過真係喝咖啡，而且大部份在對面的北菓樓買咗泡芙，帶來一齊食

對上兩次到小樽都是晚上，通常街道已經人影無隻，今次覺得四周圍人山人海，而且可能是除夕，一家大細的，好熱鬧和有過年氣紛，今次同仔仔們一齊，有街行，仲可以有時間買手信，試食 ...... 北菓樓，六花亭，北一硝子等，全部入晒，更買埋芝士蛋糕消夜，大仔仲買埋妖精之森蛋糕 .... 係同攝影師去時無機會做嘅事   ...... 😁

最後先到必到景點小樽運河

天黒時，雪越落越大，要行山路，要回定山溪晚飯了！今日係除夕，唔知酒店有沒有特別安排

今晚自助餐比昨晚的豐富，好明顯是因為係除夕關係，跟昨晚一樣，一家四口尊攻即煎雪花牛扒，好好味，而且價錢應該不便宜。晚飯時，已經不停收到新年祝賀。

晚飯小休後再去泡湯，昨晚去了天台的，今晚試地庫的，泡溫泉友達比較喜歡露天風呂 .... 😁  回房間後，一家四口食芝士蛋糕倒數 

..... 54321 ...... 2014!!!! 新年快樂

2013 12月日本北海道 (Hokkaido) NPO Donkoro 野外學校、狗拉雪撬（二）

12月30日 ～ 狗拉雪撬

早上起來，第一時間看窗外，下著大雪 .... 好靚 .... Check out 後一點前要到達南富良野，即近占冠星野渡假村附近，玩半天狗拉雪撬，約兩個半小時車程，還要預留時間食早餐！

這個🐶拉雪撬團，三月到北海道時已經想玩，但 book 唔到，今次終於可以玩到，三大一小價錢是  ¥30000。

今日要離開扎幌，跟著兩晚會住定山溪溫泉酒店，臨走前忍唔住拍了窗外雪景先走！

最左大廈後面已經是扎幌駅 JR 站了

把野外學校 mapcode 輸入 gps, 出來的預着時間是三個半小時，過了一點，玩狗拉雪撬的開始時間 ........ 給嚇一跳，狗主明明話學校距離扎幌兩個個半小時，記憶中，三月時由占冠落扎幌也無需三小時，確認沒有輸入錯誤，便出發了，行高速公路，應該可以追到唔小時間的！只不過可能無時間食嘢！

還好，出了扎幌無塞車而且天氣很好，到達野外學校時不過是十二點十分，比預着時間早到了個多小時，哈哈 ........ 早知以攝影師手車，要快一定無問題！😁 

報到後問 Aki 附近有沒有食堂，她敎我們回大路再向小鎮駛去五分鐘車程，有食三文治的地方，結果却找到間食豚丼或該說只有豬肉食的食堂，也不知是否營業中，見沒有休業字也就入內碰碰運氣 ...... 營業中，真夠運！

餐牌全日文但店內放滿各式各樣的🐷豬，自然是食豚肉的地方 ......... 不浪費時間，點了四個豚丼定食就算！店主是兩位中年女士，等候食物時四周打量，家庭式食堂，店家外面似農場，大錢當然是不會搵到 .....

回到野外學校，看見還有另一家日本人等候，友達還看到自己個名字在預約牌上呀！😁  

見還有時間，在外面四周散步，天氣很好，還有陽光，農場四周好淳樸，細仔在雪地玩得好開心，小見雪的小孩子反應通常都係咁 ..... 來了北海道三天，攝影師終於可以用到相機了！

攝影師專用模特兒

至於另外一家，跟另外一位領隊走了，他們報的是行山團！

每隻狗狗都有名字，這三隻是半 Husky

              這隻是 Alaska Husky, 今次拉二排位置的狗，叫 Ginta, 好乖乖又鐘意玩，好可愛㗎！

這是 Jinta

狗狗們見到主人和我們行近，大約知道要工作了，都非常興奮叫個不停，主人先教我們基本

控制雪撬，如何轉左轉右，停止等，兩人一撬，攝影師和細仔先玩，狗主出發前先看我們的鞋，如果他覺得需要，會建議你用他們的雪鞋的，而且有雪䄛，帽子，手套可以用，全部免費。

兩隊狗狗的排名，只轉頭一排

這位是助手，也是攝影師，幫忙影相的，他們看到攝影師的相機，當然想到他是影相的，攝影師自然又給他的作品他們看。

頭排白色一隻叫 Jinta, 也是隻好喜歡玩和乖乖的狗狗，路程是一公里去加回程

他們回來後，頭兩隻狗會換下來，轉另外兩隻，以免太辛苦，二排和三排則無需換班，每個星期二，還是牠們的例假呢！

到友達和大仔出發時，開始落雪了，狗狗們初初還似散步，越落越大雪時，牠們則跑著回去了！真好玩，是很好的體驗，只是路程短了些！

幾大雪，似唔似聖誕咭？😁

雪撬玩完，我們多留了一會和狗狗拍照，跟狗主傾談了一會旅遊經驗才打道回扎幌，定山溪，兩晚住的地方！

狗主見攝影師的相機和拍過的照片，也沒想過向我們介紹剛才拍的照片，友達主動說買，他才燒了隻光碟給我們， ¥2500, 沒所謂啦！

NPO Donkoro 野外學校 (http://donkoro.com/en/)

兩晚住定山溪 Jozankei View Hotel, 一泊二食，只有大堂和一樓食堂有免費  wifi, 住宿四人日式房間。

大細仔們好多第一次，包括睡他他咪，第一次試穿和服 .... 哈哈看他，泡溫泉，感覺新鮮 .....

差點忘記了在二条市場買的蟹 .... 昨晚因為晚飯食得太飽，跟本再食唔落，今晚再飽都要食，不能放太耐 ..... 其實食完自助晚餐，泡完溫泉都仲係飽，都要食住一半 .....

明天節目：先蕩蕩定山溪，再到小樽！