2014 2月新西蘭南島 (New Zealand) （四）~ 美福灣 （Milford Sound)

2月5日 ～ 第五天

自費活動全日美福灣 （Milford Sound)

今早5：45 am morning call, 早餐後，7：10 am 便要出發往位於峽灣國家公園的美福灣。這個自費活動，是旅行社極力推薦，因為美褔灣在南島極其有名，如果上網找尋關於南島的旅遊資料，美福灣一直是前幾位，所以有一整天自由活動，大部份團友都會選擇參加，費用是 NZD225 再加船上自助餐大約 NZD50。友達之前上網看過美福灣風景的相片，其實覺得沒有什麼特別，但出名成咁，唔去又唔係，所以都係選擇了參加！如果有留意 Canon 5D mark III 廣告，有兩個 shoot 都是在美福灣拍攝的！

美福灣乃在 15，000 年前被冰河侵蝕而成了今日峽灣的境況，由女王城出發，要四多小時車程，還要預留途經風景區停車，一點船河，七點出發是差不多了。

沿途停了幾次，風景有大草原，鏡湖，峽谷，還試過雪山流下的河水 ..... 風景好靚

仲影到友達一直想影的大卷草乾 ...... 哈哈 😄

途中小休對出的湖，水平如鏡

沿美福路行

最喜歡的大草原，領隊説11月中這大草原長滿紫色魯冰花，變成紫色花海，一定好靚

似唔似 Canon 廣告？

這是鏡湖 (Mirror Lakes)

這一段路都好喜歡

在這條河試飲，水質清甜

經過一條單缐單向隧道，差不多到達美福灣了，只見人頭湧湧，仲係大部份係中國人，而且天氣開始暗淡 ....

船河來回大約一小時四十分鐘，駛到峽灣口便回航，也是新西蘭與澳洲悉尼的最近點了，峽灣內通常都會見到撻來撻去的，天色唔好又落雨，再加大風，連拍照也沒興趣，而且真係覺得這個聞名的美福灣平平無奇，真係唔知點解咁出名，相反沿途經過的地方，友達覺得仲吸引。

回程返女王城又要四個多小時，相片是未瞓時拍攝的，早上五點幾起來，這個時候車上九成人都去揾周公了。

返回女王城，七點多了，今晚的晚餐自費的，去了湖畔食西餐。

明天行程：坐蒸氣船、參觀牧場，下午自由活動，參加了噴射快艇 NZD129 一人。