2014 12月挪威 (Norway) (四) ~ Tromso 篇 再尋極光之旅

12月24日 ~ 第四天 平安夜

早上醒來，見外面還是漆黑一片，看時間，才八點多，昨天下午一點幾到步後至今，還未見過天光 ... 攝影師返看昨晚成績，都有唔小極光相。

今天節目，打算揸車在附近看看，要預留六點返回酒店去平安夜派對，明天才揸車入市中心。

食過早餐，十點半，見個天還是黑，都要出去渡假村外走走。氣溫大約零下十五度吧，唔覺得特別凍，因為是乾凍，絕對唔似香港的濕凍，周圍環境似打開冰箱，而且舒服，但因為氣溫低，四周的雪變成冰，仲閃閃 ... 露台十一點幾時影

午間看到的疑似北極光，大家覺得呢， 天色似黃昏多過天光

這是酒店大堂出面向海平台，差不多十二點，天終於開始光， 看到對岸風景。

這些是獨立屋

海面都結冰了，但是唔算厚，唔可以行上去， 其實這個 resort 環境都幾舒服，而且仲有 hot tub, sauna 等可以租用， 但需要另外收費的。


見大把時間，揸車沿路四處看，風景真係唔錯，不過才一點半又開始天黑， 全日日照時間只有兩小時多， 突然看到對岸天空雲層出現一個大圓圈，在天暗環境一陣橙色光射到海上，加上海面一層雲霧， 嘩啦，簡直似仙境，速速停車睇，影！

攝影師的

友達拍的

這些天然景象真是可遇𣎴可求，攝影師 post 咗張相上網，七嘴八舌的比人問係乜出名旅遊點，邊係乜嘢旅遊點，不過是路過海岸咁啱見到。 

接著沿路行吓停吓，見靚就停，至路過一間超市，想入去買些食物，見到有人但門上鎖，念住走啦，裡面啲人開門出來問係咪想買嘢，答係呀，是否關門了，她們說：買啦，明天聖誕節開始關門，跟著指指張告示 ... 的確由今天起，這個時間實在已經關門了，跟著聖誕節至27日都關門，於是速速買了些食物，走時幾位小姐還送了盆聖誕花給我們 ... 

平安夜派對 ～

地點場地在於離開酒店的 Camp Nikka, 七、八分鐘車程，到達大堂，見到唔小住客已經在等候, 見各人都做足預塞，頭燈，相機脚架，似去追光團多些，酒店也有保暖衣服，鞋，帽，頭燈 ... 所有戶外用品都有可以借用，自己去攞就可以。

Camp Nikka 位於山上，揸車大約八分鐘，落車後再步行大約八分鐘便到達，由於落車處步行至 camp 是要行山路入森林，四周又黑，所以在酒店時工作人員都每人派了個頭燈， 其實他們沿路點了臘燭，都已經好好。

極光再現 ～

到達目的地，見到幾個木制的小屋，工作人員在忙於準備食物，這時北極光已經布滿一天 ... 在森林中看見的飛舞北極光又是另外一種感受 ... 

可惜友達無帶腳架 ... 用手影只有這些效果

難得的是連續兩晚都看到長時間而且精彩的北極光，已經非常難得，平安夜 party 反而變成了餘慶節目！聖誕快樂！

2014 12月挪威 (Norway) (三) ~ Tromso 篇 再尋極光之旅

12月23日 ~ 第四天

奧斯陸飛 Tromso

雖然酒店在機場附近，11:45 am 機，先到機場還車，差不多九點，天還未光，因為工作人員還沒有上班，泊好車把車匙放入匙箱走得。租車場只是在機場對面，不用再坐巴士。

之前已經做了網上check-in, 到 koisk自己印 boarding pass, 行理貼, 再 bag drop，所有程序全部自已一手包辯，完全唔經第二人手，其實對大部分歐洲國家大城市都已經用半自助式辯理登機手續，但連行理都自己貼行理貼，再經電腦 drop bag, 都算第一次，對唔識英文的人可能要些時間去摸索！

入候機室後，見唔小食店，北歐人跟冰島人一樣，小食都是熱狗，pizza 之類，找到登機閘口，見到一半是亞洲人 ... 看看 Tromso 氣溫 ... 零下十一度，其實知道兩個城市氣溫會差好多，已經準備好保暖一切，個半小時機程，Tromso 我來了！

沿路飛，看窗外風景建築物開始小，越近目的地, 雪山越多， 但天色越見暗，由首都飛上北面北極圈內的 Tromso, 並沒有時差的，到達Tromso 時應該是午間一點幾，但天色似夜晚 .... 在英國生活多年，冬季時間，早見識過下午三點半天色已經黑齊，下午一點半便已經全黑還是第一次。 

其實友達早知在冬季北極圈內日照時間唔會長，所以選擇了早機飛，早點到達，而且知道會零下十度以下，但估計唔到路面情况或天氣，而且我們頭幾日不是住市中心，是在四十五分鐘車程外的渡假村，早點到達，就算路面情况差和大雪，也可以慢慢揸。 

取車後， 將酒店地址輸入 gps, 計車程大約一粒鐘多，出發了，當時車外氣溫零下十五度，哈哈， 友達覺得似開咗冰箱，但唔覺得特別冷。

路過一間大超市，要停車入貨，我們住的渡假村，最近的超在8 km 以外 ，而且明天是平安夜，也不知道店鋪會唔會開， 見到有超市自然要買食物了。 

Malangen Resort, Meistervik ~

再向住的渡假村駚去，開始大雪，外面又漆黑一片，只很隱約看到出面幾靚沿海的風景，有些路段都幾細同穹穹曲曲，無驚無險，到達  Malangen Resort, 一個在海邊的渡假村，到接侍處 check in, 什麼也不用填寫，接侍還提醒明晚平安夜酒店攪了個 平安夜派對，地點是在 Camp Nikka , 想參加可以報名， 也好呀，看看挪威人怎樣過聖誕。

這是酒店大堂，幾有聖誕氣紛

 先到入住的 apartment， 這個渡假村，分幾類唔同住宿， 我 book 的是兩房廳廚房連露台 apartment, 在一樓的。小房子很好，最好是向海連露台，雖然出面全黑，睇唔到乜，但隠約聽到海浪聲，而且當初點解選擇住離市中心咁遠就係因為想小人，光害小的地方，而且揀有露台的房子，晚上等睇極光也可以舒舒服服在室內等候不用在戶外凍嘛！ 

至於食物方面，apartment 有廚房可以煮食，或選擇去酒店餐廳，附近沒有其它選擇了！ 

酒店包免費 wifi, 但接收得好差而且好慢 ... 

安頓下來，攝影師當然是第一時間 set 相機放出露台，雖然見雲層厚，看到極光機會 唔大， 放相機出去自動運作都無大問題，仔仔上網看出面氣溫，零下27 度！ 

 今晚第一頓晚飯，友達整意粉，一家人渡假，看看電視，傾下計，時間就咁過去， 久唔久看出面情况，睇下有冇極光， 有時要把室內的燈光也關掉，因為室內光好難看到出面情况，還有將相機放在室外等佢自己工作，再過一段時間搬返佢入來暖一暖， 再看看有沒有收穫。其實睇星空都已經足夠 ...

極光來了 ～

到九點幾，終於有收穫， 肉眼看不到的極光， 在相機鏡頭下無所頓形了， 關掉室內燈光，開始隱若看到北極光程現於海上 .... 出面完全無光害，厚雲層也開始四散，整個天空不但布滿七彩極光，而且滿天星星，漂亮到不得了，到步第一晚便看到極光，實在太幸運幸福了 ... 仔仔第一次看到北極光，讀書的自然講到北極光如何形成，今晚看到的北極光，除咗綠色，還夾雜著紫色同紅色，好靚，在露台睇到頂唔住又入返屋內暖暖，值至極光開始淡化 ...

住宿 Malanger Resort Apartment 四晚包免費 wifi 　NOK5960