2014 12月挪威 (Norway) (一) ~ 奧斯陸篇 再尋極光之旅

今次差不多二十日行程，雖然只去了英國，挪威兩個國家，但係坐了九程飛機，租了四架唔同車，住了七間唔同酒店，哈哈 ... 都算犀利，行程就由英國曼撒斯特開始！



2014年12月20日~第一天

由英國曼撒斯特飛挪威奧斯路

友達初買機票時，是購買直航，結果却給航空公司𨍭了要經丹麥哥本哈根轉機到奧斯陸的航班，好明顯，唔夠人坐，把我們轉去較多人坐的航班！

到達奧斯陸時，已經是下午三點半，取車後，先去買張當地電話咭，用來上網 google 找地圖用，有它連租 gps 都不用！今次第一次用 Sixt 這間租車公司，服務很好而且 upgrade 咗架 benz 車比我哋, 又送埋 gps!

去到附近酒店已經五點幾，原本打算去市中心晚飯，但各人都話太累情願在酒店晚飯，第一晚就係咁過，講起房間安排也是一肚氣，第一間房細到離譜，轉了幾次攪咗個幾鐘，最後佢要比多間房我先收貨，其間見其他客人都有類似投訴，友達唔建議住這間酒店。


三晩住宿 Best Western Oslo Airport Hotel - $3209 包早餐 free wifi

12月21日 ~ 第二天

今次挪威之行最主要是去 Tromso, 首都不過是路過和滑雪，由於𢭃留時間唔長，選擇了住機場附近，方便下轉再飛 Tromso. 之前已經上網看過在奧斯陸附近的滑雪場，食過早餐，出發了，北歐空氣好清新，八點半，天光啦，酒店出面天色幾靚 ....

奧斯陸附近都幾多滑雪場，選擇了個近市中心半小時多車程，曾經辯過冬季奧運的滑雪場，不過已經唔記得名 ..... 到達時上午十點半，只有幾架車，見到有人在整理積雪，行到入口處，見到處都上🔒了，又不見有營業時間，不知道是否星期日的關係還沒有開門，最後見又無人問到，只有離開，試另一個滑雪場。

路過附近油站時，順道問問店員滑雪場的開放時間，店員表示也不知道，見到我有地址電話
也試幫我打去問，其它客人也加入幫忙 .... 揶威人真熱心 ... 最後其中一位女士説可能能是因為未有足夠積雪所以滑雪場唔開,還建議我們入市中心的旅遊局問問附近那一個滑雪場開放，因為奧斯陸實在都唔小。

好彩友達之前做足功課有晒個 list 有邊幾個滑雪場可以試，用 google 找尋離開我們最近的滑雪場，都係四十分鐘車程，一於再試！

今次試這一個滑雪場叫 Kongberg, 離遠已經看到它燈火通名，兩位小朋友都十分雀躍，因為沿途開始落雪，而且這一區域，積雪更多！

http://www.skiresort.info/ski-resort/kongsberg-skisenter/

租了半日四人用的滑雪用具，才1200 多港紙，唔算貴了，上山 chair lift Nok370 或43 euro, 初級和小朋友想先試試，側邊有個小型地方可以供練習，免費的，還有條電動上山帶。

友達及細仔當然在免費練習場試玩，攝影師跟大仔，自然上山去了。

小型可以供練習地方

兩位韓國小朋友

攝影師和大仔上了山上，話上面都幾嚇人，落咗 chair lift 落山那一刻，睇唔到底，似衡落山崖 ...   而且啲雪好硬似冰多啲，其實應該係唔多夠雪，又無不斷落雪， 比人滑到咁硬！ 

挪威人都愛滑雪及其它雪上活動，身邊那些未夠十歲小朋友個個都已經滑得好好，可能識行已經學滑雪了。 細仔玩了個多小時，已經可以自己滑來滑去，而且肯自己試！ 

玩到四點幾，雪越落越大，入市中心晚飯！ 看，高速公路幾大雪

今晚去了 TGI Friday 食扒，在超市買了三文魚，返酒店消夜。